Nga Aurenc Bebja*, Francë – 9 Maj 2020
“L’Aurore” ka botuar, të martën e 1 nëntorit 1949, në faqen n°3, një shkrim në lidhje me arsyen e Moskës për të larguar Enver Hoxhën nga pushteti dhe zëvendësimin e tij me Mehmet Shehun, të cilin, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar :
Presidenti shqiptar Enver Hoxha do të zëvendësohet së shpejti
Burimi : gallica.bnf.fr / Bibliothèque nationale de France
“Ne e dimë që Moska është kryesisht e interesuar që Shqipëria – e cila mund të shërbejë si një bazë për të sulmuar Jugosllavinë e Titos – të mbetet në Kominform.
Në lidhje me këtë, besohet se kryeministri shqiptar, Enver Hoxha, do të rrëzohet gradualisht dhe do të zëvendësohet përfundimisht nga gjenerali Mehmet Shehu, shefi i Shtabit të Përgjithshëm të Forcave të Armatosura.”
