Një pjesë e madhe e njerëzve ndërrojnë jetë pa i përfunduar ende mirë të gjitha çmenduritë që kanë dëshirë të bëjnë në këtë jetë, të cilat mund të përfshihen në një listë të gjatë, ose mund të mos jenë edhe pjesë e asnjë liste.
Disa vdesin të pangrënë (kujtojmë fëmijët në Afrikë), disa vdesin pa gjetur paqen (njerëzit në të gjitha vendet e luftës, Iraku, Irani, Siria etj.), ndërsa ka edhe të tjerë që nuk arrijnë dot të përmbushin çmenduritë e tyre.
Mirëpo, ndoshta ky nuk është rasti i kësaj gruaje 102-vjeçare. E moshuara Edie Simms nga Missouri, gjithmonë është në kërkim të çmendurive të reja, të cilat ia shton listës së saj të gjatë. Këtë herë ajo është ndihmuar nga departamenti i policisë në Lousiana, të cilët ia bënë ëndrrën realitet.
Qëkur ka qenë e re ajo kishte ëndërruar gjithmonë që të bënte ndonjë prapësi dhe të kapej e prangosej nga policia. Këtë herë nuk i është dashur të bëjë asnjë shkelje ligji për të pasur çfarë dëshironte.
Sherifët i kanë vënë prangat me delikatesë dhe e kanë shoqëruar në komisariat përmes makinave tipike amerikane të policisë.
