E shumëkërkuara, këngëtarja Leonora Jakupi nuk ka të ndalur me projektet e saj muzikore. Ajo na bënë të ditur se është duke punuar me disa projekte të reja muzikore, të cilat brenda një periudhe të shkurtër do të jenë në duar të adhuruesve. Edhe këtë herë këngëtarja ka menduar të sjellë diçka të re në skenën muzikore, duke u munduar të sjellë këngë dhe klipe cilësore dhe mjaft të veçanta. “Jam shumë e dhënë pas punës, çdo punë e marrë me shumë përkushtim dhe seriozitet, andaj arrij të jem e kënaqur me projektet e mia muzikore. Jam në përgatitje të projekteve të reja muzikore dhe sapo të përfundoj punën, adhuruesit do ta kenë mundësinë që këto projekte t’i kenë në duar. Uroj që të pëlqehen në publik”, – ka thënë Leonora. Për sa i përket jetës private, Leonora vazhdonte të jetë beqare. Duke mos bërë bujë si shumë këngëtarë të tjerë në fushën sentimentale. “Puna dhe angazhimi im në karrierën muzikore, bënë që jetën private ta lë pak anash, por megjithatë ka kohë për të gjitha”, – shprehet Leonora.
