Blerta Mrishaj
Grupi i punës i ngritur pranë Bashkisë së Tiranës brenda 30 (tridhjetë) ditëve nga data e regjistrimit të kërkesës dhe të dokumenteve provuese, kryen verifikimin nëse përmbushen kushtet e përcaktuara
Kryetari i Bashkisë së Tiranës, Lulzim Basha, në zbatim të vendimit të Këshillit të Ministrave, për përcaktimin e procedurës së kalimit në pronësi të pasurive të paluajtshme, të ndërtuara deri më 10.8.1991 e të truallit funksional të tyre, kur nuk posedohen akte fitimi pronësie si dhe regjistrimin e tyre, ka ngritur grupin e punës, me qëllim procedimin pa vonesë në zgjidhjen e këtij problemi shqetësues për mijëra banorë të kryeqytetit.
Përfituesit
Përfitues nga ky vendim janë të gjithë ata persona që plotësojnë kushtet e përcaktuara kur: objektit të ndërtuar t’i ketë përfunduar karabinaja dhe mbulesa, deri më 10.8.1991; trualli funksional duhet të rezultojë fizikisht i lirë dhe i pazënë nga ndërtime pa leje, të cilat janë objekt i ligjit nr. 9482, datë 3.4.2006 “Për legalizimin, urbanizimin dhe integrimin e ndërtimeve pa leje”, të ndryshuar. Madhësia e sipërfaqes së truallit funksional në posedim të përfituesit, të jetë ajo që është miratuar sipas dispozitave ligjore ekzistuese, deri në daljen e ligjit nr. 7693, datë 6.4.1993 “Për urbanistikën”; Në rastet kur madhësia e sipërfaqes së truallit funksional, në posedim të përfituesit është më e madhe se ajo që është miratuar sipas dispozitave ligjore ekzistuese deri në daljen e ligjit nr. 7693, datë 6.4.1993 “Për urbanistikën”, ajo sipërfaqe kalon në pronësi nga shteti tek individi, sipas procedurave të përcaktuara nga legjislacioni në fuqi. Objekti, trualli nën të dhe trualli funksional, të mos jenë të regjistruar në regjistrin publik të pasurive të paluajtshme apo edhe kur janë të regjistruar, mungon akti i fitimit të pronësisë. Objekti i ndërtuar dhe trualli funksional janë të patrajtuar nga legjislacioni përkatës për njohjen, kthimin e kompensimin e pronës apo për legalizimin dhe urbanizmin e ndërtimeve pa leje
Procedura
Bashkia e Tiranës fton të gjithë ata persona që janë përfitues nga ky vendim i qeverisë, të plotësojnë formularët përkatës që gjenden pranë Bashkisë së Tiranës. Grupi i punës i ngritur pranë Bashkisë së Tiranës, brenda 30 ditëve nga data e regjistrimit të kërkesës dhe të dokumenteve provuese, kryen verifikimin nëse përmbushen kushtet e përcaktuara. Çdo institucion shtetëror është i detyruar të kthejë përgjigje me shkrim brenda 10 ditëve, nga data e marrjes së kërkesës. Në rast të moskthimit të përgjigjes brenda këtij afati, drejtuesi i institucionit të autorizuar njofton me shkrim Ministrinë e Drejtësisë, Ministrinë e Brendshme dhe kabinetin e Kryeministrit. Në përfundim të shqyrtimit afishon menjëherë pranë institucionit dhe në zyrës vendore të regjistrimit të pasurive të paluajtshme, të dhënat për kërkesën e paraqitur, brenda një afati prej 45 (dyzet e pesë) ditësh.
Shqetësimet
Nëse gjatë periudhës së afishimit paraqitet ankesë apo pretendim për pronën, i shoqëruar me dokumente ligjore për pasurinë e paluajtshme të afishuar, i cili gjendet i bazuar, atëherë grupi i punës i propozon Kryetarit të Bashkisë mospranimin e kërkesës, pas shqyrtimit të akteve të paraqitura nga ankuesi. Nëse brenda periudhës së afishimit nuk paraqitet ndonjë ankesë apo pretendim për pasurinë e paluajtshme, grupi i punës i propozon Kryetarit të Bashkisë pranimin e kërkesës. Vendimi i përcillet më pas Këshillit të Qarkut, së bashku me dosjen e plotë si dhe njoftohet kërkuesi sipas rastit, për përmbushjen e kritereve të përcaktuara. Brenda 30 ditëve nga miratimi i Këshillit të Qarkut, bëhet kalimi i pronësisë së pasurive të paluajtshme e të truallit funksional të tyre në emër të personave, sipas përbërjes familjare që figuron në certifikatën familjare, deri më 10.08.1991 dhe e dërgon vendimin për regjistrim në ZVRPP-në kërkuese.
Analiza
Kreditet e mjekëve, edukimi në vazhdim, i rëndësishëm
Ministri i Shëndetësisë, z. Vangjel Tavo, ka vizituar dje spitalin e Dibrës, një ndër spitalet me tregues më të mirë të performancës në vend. I shoqëruar nga drejtori i përgjithshëm i politikave shëndetësore z. Pëllumb Pipero dhe drejtori i spitaleve z. Petro Mersini, ministri Tavo pasi vizitoi ambientet e spitalit dhe bashkëbisedoi me mjekë, ka marrë pjesë në analizën vjetore të këtij institucioni. Vitin që kaloi në këtë spital janë evidentuar disa nga treguesit, që flasin për rritje të cilësisë në drejtim të shërbimit të ofruar qytetarit. Sipas të dhënave zyrtare të spitalit vdekshmëria foshnjore rezulton 4 për 1000 lindje të gjalla ndërsa vdekshmëria amtare 0. Është një ndër të paktët spitale rajonale ku shfrytëzimi i shtratit arrin mbi 65%. Gjatë 2012 janë regjistruar mbi 60 mije vizita ambulatore duke respektuar sistemin e referimit. Është një institucion shëndetësor me shtretër pa mungesa ilaçesh dhe sistem ngrohjeje optimal. Krahasimisht me këta tregues është edhe spitali i Burrelit dhe i Bulqizës. Gjatë vitit të kaluar në këtë spital është shtuar një skaner i ri. Aparat radiografie dhe radioskopie te ri, si dhe sistem bashkëkohor urgjence. Nga granti japonez, spitali rajonal i Peshkopisë ka përfituar tri autoambulanca të reja. Ministri i Shëndetësisë, z. Tavo gjatë fjalës së tij ka shprehur mirënjohje për bluzat e bardha dhe drejtuesit e spitalit dhe premtoi vëmendje maksimale të MSH ndaj spitalit rajonal Dibër në drejtim të investimeve. Ministri Tavo ka vlerësuar respektimin e sistemit të referimit, edukimin në vazhdim dhe ka premtuar dhe njëherë kurrikula të përshpejtuara për specializime të rëndësishme lidhur me specialitetet që i mungojnë këtij spitali.
