Vetëm disa ditë më parë iu fotografua celuliti në kofshë, por çuditërisht ai është zhdukur në fotot e Britney Spears për revistën “Shape”. Këngëtarja tregon një formë fantastike në kopertinën e revistës dhe pa dyshim merita është e Photoshop-it. Në intervistë, 31-vjeçarja theksoi: “Kam mbushur 31 vjeç tashmë dhe është e vështirë të jesh e denjë për botën e spektaklit. Dieta është shumë e vështirë pasi mua më pëlqejnë makaronat dhe biskotat me çokollatë”. Shijet ushqimore duken qartë po të rikujtojmë fotot e saj me pantallona të shkurtra në kohën që po shkonte në një palestër të Las Vegasit.
