Florenc Drizari
Partitë vazhdojnë të zëvendësojnë anëtarët e KZAZ-ve, pas përfundimit të trajnimit të tyre, duke rritur shqetësimin për paanësinë dhe efektshmërinë
OSBE-ODIHR publikoi një ditë më parë raportin paraprak për zgjedhjet elektorale në Shqipëri, raport në të cilin ngrihen disa shqetësime për çështje që lidhen me organizimin e këtij procesi zgjedhor si dhe funksionimin e Komisionit Qendror të Zgjedhjeve. Në raport theksohen se KQZ është e penguar të funksionojë me 4 anëtarë dhe gjatë veprimtarisë së saj komisioni shmang vendimet me shumicë të cilësuar.
“Vihen re vonesa dhe mos zbatimi i afateve ligjore. KQZ mban takime te shpeshta publike, por megjithatë vendimmarrja e tij vuan nga mungesa e transparencës. Disa prej vendimeve të KQZ-së janë kritikuar për mungesë motivimi ligjor”, – thuhet në raportin paraprak të OSBE-ODIHR për zgjedhjet e 23 qershorit.
Për ekspertët të ODIHR, zgjedhjet e përgjithshme parlamentare më 23 qershor shihen gjerësisht si një test i rëndësishëm në dritën e aspiratave të Shqipërisë drejt anëtarësimit në Bashkimin Evropian.
Zgjedhjet parlamentare sipas raportit janë të rregulluara nga një gjithëpërfshirje e Kuadrit ligjor, i cili siguron bazën ligjore për zhvillimin e zgjedhjeve demokratike, nëse zbatohet dhe respektohen plotësisht nga palët e interesuara.
ODIHR thekson në raport se mjedisi i fushatës ka qenë përgjithësisht e qetë dhe paqësor. “Fushata e partive në koalicioni qeverisës ka theksuar arritjet në qeveri, ndërkohë që partitë e opozitës fokusohen në çështjet e sigurisë sociale”, – thuhet në raport.
Gjithashtu raporti i misionit të OSBE-ODIHR thekson se Kolegji Elektoral ka shqyrtuar 11 ankesa kundër vendimeve të KQZ-së dhe ndaj dështimit të këtij institucioni për të miratuar vendime.
Sa i përket administrimit të zgjedhjeve, raporti vë theksin tek ndryshimet politike që i bëhen Komisioneve të Zonave të Administrimit Zgjedhor.
“Partitë vazhdojnë të zëvendësojnë anëtarët e KZAZ-ve, pas përfundimit të trajnimit të tyre, duke rritur shqetësimin për paanësinë dhe efektshmërinë”, – thuhet në raport.
Ndërkaq, lidhur me mjedisin e fushatës elektorale, raporti thotë se deri tani ka qenë e qetë dhe paqësore, por vë në dukje klimën e tensionuar politike që shoqëron këtë proces zgjedhor.
Lidhur me kornizën ligjore për mbulimin mediatik, raporti vë në dukje se fushata elektorale ka një mbulim të zgjeruar nga media, por se mungon informacioni për votuesin.
Gjithashtu raporti thotë se Shqipëria ka një sistem pasiv të regjistrimit të votuesve. “Listat e Votuesve për zgjedhjet janë nxjerrë nga baza e të dhënave elektronike të Regjistrit Kombëtar të Gjendjes Civile (NCSR) mirëmbahet nga Drejtoria e Përgjithshme e Gjendjes Civile. Ndërsa zyrat e gjendjes civile të njësive të qeverisjes vendore janë përgjegjës për përmbajtjen e VLS. KQZ-ja gjobiti me një total prej 139 kryetarëve të komunave për mosdorëzim të informacione jo të plota për numrin e votuesve dhe vendndodhjet e qendrave të votimit”, thuhet në raport.
ODIHR, priten 400 vëzhgues për zgjedhjet e 23 qershorit
ODIHR sqaron në raport se Misioni i Përhershëm i Republikës së Shqipërisë në OSBE, bazuar në rekomandimet e Misionit të Vlerësimit të Nevojave të kryer 11-14 mars, zyra e OSBE-së për Institucione Demokratike dhe të Drejtat e Njeriut (OSBE/ODIHR) ngriti një misioni i Vëzhgimit të Zgjedhjeve (MVZ) më 15 maj. MVZ-ja, e udhëhequr nga Conny MCormack, përbëhet nga 15
Anëtarësh dhe ekipit bazë në Tiranë përfshin 30 vëzhguesit afatshkurtër, të cilët u vendosën në 21 maj në të gjithë vendin. Anëtarët e misionit janë tërhequr nga 24 Shtetet pjesëmarrëse të OSBE-së. OSBE/ODIHR-i ka kërkuar që shtetet pjesëmarrëse të dytë deri në 400 të shkurtër vëzhguesit afatgjatë që të vëzhgojnë votimin, numërimin dhe nxjerrjen e rezultateve.
KQZ teston projektin SEV për identifikimin e kartave në Tiranë
Komisioni Qendror i Zgjedhjeve pritet të mblidhet paraditen e së shtunës për të zhvilluar testin e dytë të identifikimit të kartave të identitetit që do të përdoren në zgjedhjet parlamentare të 23 qershorit. Ky testim bëhet në kuadër të njërit prej dy projekteve për implementimin e teknologjisë në zgjedhje dhe identifikimi elektronik i kartave të identitetit do të bëhet vetëm për Tiranën.
Ndërkaq, në axhendën e zbardhur të Komisionit Qendror të Zgjedhjeve, mesditën e së shtunës do të ketë mbledhje me këtë rend dite: Projektvendim “Për regjistrimin si subjekt zgjedhor të partive politike, për zgjedhjet e pjesshme për kryetar, në disa njësi të qeverisjes vendore, të datës 23 qershor 2013”. (b/lidhur lista e partive); Projektvendim “Për miratimin e vëzhguesve të Shoqatës “Miqësi dhe Bashkëpunim me Evropën” (MBE), për vëzhgimin e zgjedhjeve për Kuvend, të datës 23 qershor 2013”; Projektvendim “Për miratimin e vëzhguesve të Komisionit Zgjedhor Shtetëror të Maqedonisë (SEC Maqedoni), për vëzhgimin e zgjedhjeve për Kuvend, të datës 23 qershor 2013”; Projektvendim “Për miratimin e vëzhguesve të Qendrës Aleanca Gjinore për Zhvillim (QAGJZH), për vëzhgimin e zgjedhjeve për Kuvend të datës 23 qershor 2013; Projektvendim “Për miratimin e modelit të fletës të votimit për zgjedhjet e pjesshme për kryetarin e Bashkisë Bulqizë, qarku Dibër, Komunës Thumanë, qarku Durrës, Komunës Sevaster, qarku Vlorë dhe Njësisë Bashkiake nr. 1, qarku Tiranë, për zgjedhjet e datës 23 qershor 2013”; Projektvendim:”Për miratimin e sasisë së fletëve të votimit që do të prodhohen për çdo qendër votimi për zgjedhjet e pjesshme për kryetar të njësisë së qeverisjes vendore të datës 23v qershor 2013”; Projektvendim: “Për radhën e numërimit të votave në ZAZ-të nr. 17, nr. 19, nr. 30 dhe nr. 81”.
