Nicole Kidman ishte viktimë e një incidenti të pakëndshëm për të. Aktorja është përplasur nga një fans i saj me biçikletë në kohën kur po rikthehej në hotel pas pjesëmarrjes në javën e modës së “Calvin Klein”. Gjithçka ka ndodhur në sytë e paparacëve që kanë qenë duke fotografuar aktoren e që duke përfituar nga rasti kanë dokumentuar me imazhe gjithë ngjarjen e ndodhur. Përplasja ka qenë aq e fortë, sa Kidman është rrëzuar në tokë. Fatmirësisht, ajo është treguar e vëmendëshme duke zgjatur duart për të shmangur ndonjë përplasje të kokës. Menjëherë kanë ndërhyrë truprojat e saj dhe të hotelit të cilët e kanë ndihmuar aktoren australiane të ringrihej në këmbë dhe kanë ndaluar “agresorin”. Më vonë u mësua se ai ishte Carl Wu, i cili duke dashur t’i shkrepë një foto nga afër aktores, ka humbur kontrollin e biçikletës, duke e përplasur atë. Incidenti është kaluar pa pasoja për Kidmanin, që është rishfaqur në publik disa orë më vonë, ndërsa për çiklistin nisin telashet, sepse aktorja paralajmëroi ngritjen e një padie për të.
Pushimet hot të Penelope Cruz me familjen
Vetëm në korrik Penelope Cruz solli në jetë fëmijën e saj të dytë, por ja që nuk e ka problem edhe të zhvishet gjatë pushimeve me familjen në plazh. Aktorja 39-vjeçare ishte në Korsikë gjatë javëve të fundit të gushtit, me të shoqin Javier Bardem dhe dy fëmijët.
Mirëpo në një moment kur ka hyrë në det për t’u larë me djalin 2-vjeçar Leonardo, ajo ka hequr pjesën e sipërme të bikinit, duke u larë krejtësisht topless. Vetëm në dalje, i ka riveshur sërish. Gjithsesi mund të thuhet se ka qenë një moment i gjithi për t’u shijuar nga fansat e aktores.
