Florenc Drizari
Gjobat e papaguara të automjeteve kanë vënë sërish përballë deputetin e PS-së, Paulin Stërkaj, dhe ministrin e Brendshëm, Saimir Tahiri. Prej më se tri javësh vazhdon të jetë në fuqi urdhri i drejtorit të Përgjithshëm të Policisë që detyron të gjithë qytetarët që duan të lëvizin jashtë kufirit shqiptar me automjetet e tyre, të kontrollojnë nëse kanë gjoba të prapambetura apo jo. Pa shlyer detyrimet, mjeti nuk lejohet të kalojë kufirin, ndërkohë që kjo nismë e Ministrisë së Brendshme nga njëra anë ka rritur të ardhurat në buxhet për policinë dhe nga ana tjetër duket se ka shkaktuar konfuzion tek qytetarët. Gjatë seancës dëgjimore që u zhvillua një ditë më parë me ministrin e Brendshëm, Saimir Tahiri, në Komisionin për Sigurinë Kombëtare, deputeti socialist, Paulin Stërkaj, ringriti shqetësimin për gjobat e vëna ndaj deputetëve. Sipas z. Stërkaj, ky urdhër mbetet një shqetësim për deputetët, të cilët udhëtojnë më shpesh jashtë shtetit. Ndryshe nga deputeti Stërkaj, ministri Tahiri u tregua i vendosur për ta mbajtur këtë rregull në fuqi dhe paralajmëroi se masat për drejtuesit e mjeteve, të cilët kanë detyrime të papaguara, që lëvizin në gjendje të dehur dhe që nuk zotërojnë një patentë, do të shtrëngohen. Sipas ministrit të Brendshëm, në këtë vit buxhetor të ardhurat nga gjobat e policisë që variojnë deri në 3 milionë dollarë dhe do të jenë në dispozicion të strukturave të Drejtorisë së Përgjithshëm të Policisë, në funksion të përmirësimit të strukturave, të pajisjeve. Shuma financiare e paarkëtuar nga gjobat, sipas ministrit, shkon deri në 5 milionë euro. “Kemi vendosur që asnjë mjet, jo person, asnjë mjet të mos largohet nga republika e Shqipërisë pa paguar detyrimet ndaj shtetit shqiptar. Nëse ka qytetarë që duan të shkojnë me mjet personal, shumë mirë, të paguajnë
detyrimet dhe të dalin. Nëse nuk paguajnë detyrimet, të paguajnë makinën dhe të dalin. Nuk pengon njeri lëvizje, por ama jo me makinë
debitore. Bashkë me ministrin e transporteve shumë shpejt do të nënshkruajmë një marrëveshje dhe nuk do të jetë e mundur që të bëhet kolaudimi i makinës apo të bëhet regjistrimi i makinës, vjetor, pa u
paguar detyrimet
e gjobave ndaj
policisë rrugore.
Ka shumë masa
të tilla, ne jemi
të vendosur të
vazhdojmë për
ta shtrënguar këtë
regjim. Shumë
shpejt do të sjellim ndryshime
në Parlament për të parashikuar
minimumin e ditëve burg që do të
bëjë çdo drejtues që i jep mjetit në
gjendje të dehur apo që nuk posedon
patentë”, – deklaroi ministri i
Brendshëm Saimir Tahiri. Nga ana e
tij, deputeti socialist Paulin Stërkaj
u shpreh: “Problemi i gjobave nuk
është për popullin, se ata gjejnë
forma, por për ne deputetët, që
kemi një lloj imuniteti dhe do të
dalim jashtë shtetit, do mbesim
në kufi”. Komisioni për Sigurinë
Kombëtare diskutoi
në parim projektligjin “Për buxhetin
e vitit 2014” për Ministrinë e Brendshme.
Ministri i Brendshëm, Saimir
Tahiri, paraqiti përpara Komisionit
të Sigurisë buxhetin e vitit 2014
lidhur me Ministrinë që ai drejton.
Ky buxhet reflekton përparësi sipas
tij që qeveria shqiptare i jep Policisë
së Shtetit dhe strukturave të tjera që
janë fushë e përgjegjësisë së MB.
Gjatë fjalës së tij, Tahiri ka sqaruar
se buxheti i këtij viti për Policinë e
Shtetit ka një rritje prej 14% në krahasim
me buxhetin e vitit 2013. “Kjo
tregon, – tha ai, – se qeveria e konsideron
sigurinë publike për të garantuar
jetën dhe pronën e qytetarëve”.
Gjithashtu, Tahiri u shpreh se
buxheti për emergjencat civile është
rritur me 42% dhe se rritja e buxhetit
do të ketë ndikim të drejtpërdrejtë në
rritjen e sigurisë. Një tjetër arritje në
buxhet, sipas tij, është edhe parashikimi
për rritje pagash për 93% të
punonjësve të policisë.
“Gjobat e papaguara të makinave”
Zëvendësohen mandatet e ministrave, ja deputetët e rinj
KQZ
Mandatin e
Celibashit e
merr Anduel
Xhindi, të
Haritos
e mori
Enkelejda
Shkreli
Shamku, të
Gjermenit
Adelina Rista
Stërkaj përplaset me Tahirin: Problem
për deputetët, qytetarët gjejnë “rrugë”
Ministri i Brendshëm: Deputetët të paguajnë, do të shtrëngojmë masat për sigurinë
Kërkesa e Partisë Demokratike për
zhvillimin e një seance dëgjimore
me ministrin e Brendshëm Saimir
Tahiri për çështjen e vrasjes së dy
vëllezërve shqiptarë nga policia
greke, të dyshuar si trafikantë
droge, u shoqërua me debate dje
në Komisionin e Sigurisë Kombëtare.
Ish-ministri i Brendshëm, Flamur
Noka, tha se nga informacionet
e marra nga familjarë, por edhe
më tej, rezulton se ka një mjegullnajë
të madhe mbi këtë çështje.
“Ministri, kur vjen të raportojë për
buxhetin, duhet të gjejë pak kohë
për ata dy viktima dhe të jepte
llogari për sjelljen e Ministrisë
së Brendshme dhe të Policisë së
Shtetit në raport me qeverinë greke
në lidhje me këto dy viktimat.
Derisa ministri nuk pranon të flasë
për këtë çështje, ne nuk preferojmë
të marrim pjesë dhe do të kthehemi
kur ministri të thotë që për
këtë çështje jemi përgatitur”. Pas
kësaj deklarate deputetët e opozitës
braktisën mbledhjen. Ministri
i Brendshëm, Saimir Tahiri, në
lidhje me pretendimet e opozitës,
tha se është interesuar personalisht
me Ministrinë e Brendshme të
Greqisë.
Vrasja në kufi ,
opozita braktis
mbledhjen
Komisioni Qendror
i Zgjedhjeve
Komisioni i Sigurisë
Ministri Tahiri dje në
Komisinin e Sigurisë
Problemi i
gjobave nuk
është për
popullin, por për
deputetët. Do
mbesim në kufi
Zëvendësohen mandatet e ministrave, ja deputetët e rinj
Komisioni i zgjedhjeve miratoi dje zëvendësimet e emrave të deputetëve që kanë deklaruar lënien e mandatit nga radhët e Partisë Socialiste dhe LSI-së, me ata të rinj sipas listës shumemërore të zgjedhjeve të 23 qershorit. Pas dorëzimit të mandatit të deputetit nga ministrat Ilirjan Celibashi, Eglantina Gjermeni, Milena Harito, Klajda Gjosha, Erion Veliaj, Edmond Haxhinasto dhe Nasip Naço, KQZ vendosi që mandatin e Erion Veliajt ta marrë Vladimir Kosta. Në Fier, mandatin e deputetit pas Celibashit e merr Anduel Xhindi, të Haritos e mori Enkelejda Shkreli Shamku, të Gjermenit Adelina Rista, të ministrit Haxhinasto e merr Miranda Rira, të Klajda Gjoshës, Kejdi Mehmetaj dhe të Nasip Naços pritet ta marrë Selfo Kapllani. Kejdi Mehmetaj shënon kështu një prej rasteve të rralla në historinë e Parlamentit shqiptar sa i përket moshës së re. Ajo është vetëm 21 vjeçe dhe u zgjodh në bazë të listës emërore dhe të kriterit të përfaqësimit të gjinisë femërore që ishte më pak e përfaqësuar në këtë rast.
