Një dre terrorizoi një autobus të mbushur plot me njerëz, pasi doli në mes të autostradës dhe u përplas me mjetin në lëvizje.
Jo vetëm kaq, por kilometër- matësi i autobusit kishte mbetur tek numri 666.6, që është edhe numri i djallit.
Ngjarja ndodhi në një autostradë që lidh kryeqytetin bjellorus, Minsk, me kryeqytetin ukrainas, Kiev.
Disa pasagjerë dolën nga autobusi dhe nisën të luten.
Shoferi tha se nuk e shmangte dot përplasjen.
Ai shtoi se nuk është supersticioz, por disa pasagjerë u terrorizuan.
“Ata mendonin se kafsha ishte e mallkuar, por në fakt dukej se ishte e dehur,” tha një oficer policie.
Në këtë kohë, drerët brilopatë ushqehen me shumë fruta të kalbur, në gjendje të fermentuar.
Kur e teprojnë me to, kalojnë në gjendje të dehur.
