Një mjet lundrues është përfshirë nga flakët paraditen e sotme në qytetin e Vlorës, duke shkaktuar plagosjen e një personi. Ngjarja është regjistruar në Gjirin e Vlorës ku skafi në pronësi të shtetasit Shemsi Zejmanit ka marrë flakë në momentin që do të nisej për lundrim. Për pasojë personi në fjalë ka marrë plagë të rëndë dhe është nisur në Tiranë për të marrë ndihmë më të specializuar mjekësore. Fatmirësisht pasagjerët e tjerë nuk kanë pësuar gjë. Policia ka nisur hetimet ndërkohë që mendohet se shkak i zjarrit mund të jetë bërë një shkëndijë elektrike në momentin e nisjes.
