Tre persona janë plagosur me armë zjarri orët e para të mëngjesit të kësaj të shtune në kryeqytet. Policia raporton se ngjarja ka ndodhur në rrugën ‘Pandi Dardha’ në Laprakë, ndërsa të plagosurit janë shtruar në Spitalin e Traumës. Ende nuk dihen shkaqet e kësaj ngjarje, as identiteti i të plagosurve, ndërkohë që blutë e kryeqytetit po punojnë për identifikimin e autorit apo autorëve të ngjarjes. Paraprakisht mësohet se autori ka lëvizur me një mjet tip ‘Benz’ ngjyrë të bardhë.
