Gramsh/ Aksidentohet autobusi i shkollës një i vdekur 

Një autobus që transportonte një grup mësuesish u aksidentua në rrugën Skënderbegas – Sultë në Gramsh. Ai u godit nga një fuoristradë dhe përfundoi poshtë një ure. Nga përplasja humbi jetën Hysen Braçja, 55 vjeç, pasagjer në fuoristradën me targa AA 875 KC. Të plagosur kanë mbetur 11 persona të tjerë, 3 prej të cilëve janë në gjendje të rëndë. Sipas policisë, aksidenti është shkaktuar nga shpejtësia mbi normat me të cilën po udhëtonte fuoristrada.