Ende në shqyrtim mijëra dosje, për të cilat s’ka asnjë vendim
Pas shtyrjes së afatit për kompensimin e pronave do të nisë një fazë e re, ajo e ndryshimit të formulës dhe mënyrës se si do bëhet kompensimi financiar. “Procesi i njohjes, kthimit dhe kompensimit të pronave të paluajtshme përfundon deri në datën 30.4.2015, me përjashtim të kryerjes së pagesës së kompensimit, e cila duhet të përfundojë në afatin e parashikuar në nenin 23, të këtij ligji”. Afati 30.4.2015 është shtyrë më parë me ligjin nr. 49/2014. Gjatë viteve 2013 dhe 2014 është evidentuar një shtim i ndjeshëm i numrit të kërkesave për njohje dhe kthim prone të rivendosura në afat, bazuar në vendimet gjyqësore. Për rrjedhojë, shqyrtimi i tyre nuk mund të përfundojë brenda afatit të parashikuar nga ligji 9235/2004, “Për kthimin dhe kompensimin e pronave të ish-pronarëve”, të ndryshuar. Në këto kushte, lind si domosdoshmëri shtyrja e afatit të përfundimit të procesit të njohjes, kthimit dhe kompensimit të pronave përtej datës 30.4.2015, të parashikuar në ligjin nr. 9235, datë 29.7.2004, “Për kthimin dhe kompensimin e pronave të ish-pronarëve”, të ndryshuar, duke përcaktuar si datë të përfundimit të tij datën 30.10.2015. Kjo nismë propozohet në kushtet kur kuadri ligjor për procesin e kthimit dhe kompensimit të pronave është duke u rishikuar dhe përgatitur dhe shumë shpejt do të përcillet për konsultim. Ligji nr.9235, datë 29.7.2004 “Për kthimin dhe kompensimin e pronës”, të ndryshuar, në nenet 23 e 24 përcakton se “Procesi i njohjes, kthimit dhe kompensimit të pronave të paluajtshme përfundon deri në datën 30.4.2015, me përjashtim të kryerjes së pagesës së kompensimit, e cila duhet të përfundojë në afatin e parashikuar në nenin 23, të këtij ligji”’, – thuhet në ndryshimet për ligjin për pronat
Procesi
Deri në përfundimin e procesit të shqyrtimit dhe miratimit të projektligjit të ri për “Trajtimin e pronës dhe përfundimin e procesit të kthimit dhe kompensimit të pronave”, duke qenë se afati i ligjit në fuqi është deri më 30.4.2015, në mënyrë që AKKP-ja të ushtrojë detyrat dhe përgjegjësitë ligjore, në funksion të mbrojtjes dhe garantimit të së drejtës kushtetuese të pronësisë, për të siguruar rivendosjen e saj, në rastet e heqjes në mënyrë të padrejtë, në përputhje me parimin e sigurisë juridike dhe shtetit të së drejtës si dhe të ushtrimit të së drejtës së shpronësimit të pronës, përkundrejt një shpërblimi të drejtë, propozojmë shtyrjen e afatit të ligjit nr. 9235, datë 29.7.2004, për një afat 1 vjeçar. Kjo, në kushtet kur faza e konsultimit, e reflektimit të vërejtjeve dhe sugjerimeve, e miratimit të projektvendimit propozues të projektligjit, nga Këshilli i Ministrave, e më pas miratimit të projektligjit nga Kuvendi, kërkon kohë. Për këtë arsye, propozohet zgjatja e afatit për paraqitjen dhe trajtimin e kërkesave për njohje, kthim dhe kompensim pasurie. Është parashikuar edhe ndryshimi i nenit 28, të ligjit aktual, për shtyrjen e afatit të miratimit nga Këshilli i Ministrave, të fondit të pronave pasuri të paluajtshme shtetërore, të cilat vihen në dispozicion të Agjencisë së Kthimit dhe Kompensimit të Pronave për procesin e kompensimit fizik të pronave, deri në datën 30.10.2015.
Dokumentet
-Kërkesa për kompensim në të holla, sipas formularit Tip-1 (bashkëlidhur VKM-së);
– Deklarata për pranimin e kritereve për kompensim dhe të kushteve të tjera që lidhen me to, sipas formularit Tip-2 (bashkëlidhur VKM-së); – Titulli për njohjen dhe kompensimin e pronës, që mund të jetë vendim i KKKP-së, vendim i AKKP-së, si dhe vendim i gjykatës, në rastet kur vendimet e sipërpërmendura janë ndryshuar në rrugë gjyqësore;
– Planvendosja përkatëse bashkëlidhur vendimit, si dhe planin e rilevimit aktual të pronës së njohur për kompensim;
– Dëshmia e trashëgimisë;
- dh) Nëse disponon, prokurë të posaçme, të nënshkruar nga të gjithë trashëgimtarët e ligjshëm apo disa prej tyre, ku të jetë e përcaktuar tagri për të tërhequr shumën e parave për pjesët takuese, në rast se shpallen fitues;
– Vendimet e KKP-së/ZRAKKP-së ku janë përcaktuar pjesët takuese të secilit bashkëpronar, në rastet kur aplikimi kryhet nga një pjesë e trashëgimtarëve përfitues;
– Çdo akt tjetër gjyqësor apo administrativ, me anë të të cilit provohet pjesa takuese e secilit bashkëpronar;
– Dokumentin e identifikimit (letërnjoftim apo pasaportë) të përfaqësuesit të pajisur me prokurë;
– Mandatpagesën.
Shifrat/ 6-7% e shqiptarëve të prekur me diabet
, rriten shifrat tek fëmijët
6-7% e popullsisë në Shqipëri është bartëse e sëmundjes së diabetit. Alarmi është dhënë nga shoqata e të rinjve dhe fëmijëve me diabet
Studimi/ Tiroidet, shkak i shëndoshjes dhe lodhjes
Hormonet tiroidale duhen mbajtur nën kontroll gjatë gjithë jetës, sepse mund të ndikojnë negativisht te shumë sisteme në trup nëse nuk funksionojnë siç duhet. Mungesa e ekuilibrit në peshën tuaj, lodhja e përsëritur dhe problemet me gjumin mund të shkaktohen nga tiroidet. Krahas kësaj, tiroidet ndikojnë edhe në gjendjen tuaj emocionale dhe energjinë e harxhuar gjatë ditës. Janë të shumta sëmundjet e shkaktuara nga tiroidet. Shumë të sëmurë nuk janë të vetëdijshëm për mosfunksionimin e rregullt të gjëndrës tiroidale. Shenjat e disa sëmundjeve të lidhura me tiroidet janë: – lodhje; – rënie e flokëve; – rrahje të shpeshta të zemrës; – shëndoshje; – kapsllëk; – çrregullimet menstruale; – probleme me gjumin; – shqetësime të stomakut dhe zorrëve; – dobësim i kujtesës; – moskontrollim i mjaftueshëm me anë të ilaçeve i sëmundjeve si tensioni, diabeti, kolesteroli. Nuk duhet harruar se nën shumë sëmundje serioze mund të qëndrojnë çrregullimi i funksionit të gjëndrës tiroide, shkruan gazeta Start. Nëse gjëndra e tiroides nuk prodhon hormone të mjaftueshme, atëherë vihet re një ngadalësim i lëvizjeve, depresion, lodhje, lëkurë e thatë, ngërçe muskulore dhe shëndoshje. Ndërsa shenjat e hipertiroides janë dobësim, nervozizëm, djersitje, rrahje të shpeshta të zemrës, dridhje, ankth, flokë dhe muskuj të dobësuar.
