Nga Kashari, Erion Veliaj u tha të djathtëve se e majta u ka shërbyer të paktën 5 herë më mirë se partia e tyre.Por një qytetare i tregoi se si për të gjetur një punë ishte ndihmuar nga një i djathtë, rivali i tij Halim Kosova e më pas ishte larguar nga puna prej socialistëve.
Veliaj u mundua të bindë se kur vjen fjala te shërbimet, ai nuk beson te ndarja mes të majtëve dhe të djathtëve. Për ta treguar me shembuj, iu referua pjesëtarëve të koalicionit që e mbështet.
As këtë herë nuk la pa sulmuar rivalin Halim Kosova, për të cilin tha se po bën fushatën elektorale me punonjësit e Bashkisë së Tiranës.
Veliaj premtoi krijimin e 4 tregjeve për fshatarët që duan të shesin në Tiranë.
