Ervin Kaduku
– Shkolla, reparte ushtarake, mensa, magazina, ish reparte artizanale, ofiçina, kantina, zyra; qeveria nxjerr çdo gjë në ankand. Kishte deklaruar të kundërtën kur ishte në opozitë
Shkolla, reparte ushtarake, mensa, magazina, ish reparte artizanale, ofiçina, kantina, zyra: duket se gjithçka e mundshme është përfshirë në procesin e privatizimit. Në Tiranë është nxjerrë në shitje godina 1-katëshe e sharrave prerëse të kampioneve, një ambient i ish-shtëpisë botuese “Naim Frashëri”, magazina e repartit të montimit, por edhe tunelet në Tapizë.
Të njëjtin fat ka pësuar edhe Arka e Kursimit Shkodër, ish-Muzeumi, në Sheper të Gjirokastrës, si dhe ish sh Shkolla e Mesme në Nivan po të këtij qarku. Në shitje është gjithashtu një depo në Libonik të Korçës, Kantina e Verës Milot, Kinema 13 Shtatori në Berat apo Ish zyrat e Gjendjes Civile Çërravë.
Procedurat
Kërkesa për privatizimin e një aseti shtetëror mund të drejtohet në Ministrinë e Zhvillimit Ekonomik, Tregtisë dhe Sipërmarrjes apo në institucionin përkatës që ka në administrim/ pronësi objektin që kërkon të privatizohet, e cila mund të bëhet nga pronari i truallit ose çdo person tjetër/institucion i interesuar për blerjen e asetit. Kërkesa duhet të përmbajë emërtimin e saktë të Institucionit që i drejtohet kërkesa.
“Emërtimin e saktë të objektit dhe vendndodhjen e objektit që kërkon të privatizojë. Të dhëna të tjera në lidhje me këtë objekt (nëse ka, p.sh. varësinë administrative të tij, funksionin që ka pasur, gjendjen aktuale të objektit, etj.) Identitetin dhe adresën e saktë të personit që drejton kërkesën. Çdo dokument apo të dhënë tjetër të vlerësuar nga kërkuesi bashkëngjitur kërkesës” thekson Ministria e Zhvillimit Ekonomik në njoftimin zyrtar.
Kërkesa
Nëse kërkesa për privatizim bëhet pranë Ministrisë së Zhvillimit Ekonomik, Tregtisë dhe Sipërmarrjes: MZHETS pas shqyrtimit të kërkesës së bërë nga i interesuari, i kërkon strukturës administrative të objektit prononcimin për privatizimin e tij. Nëse institucioni administrues përgjigjet pozitivisht për privatizimin e objektit të kërkuar, atëherë Ministri i MZHETS miraton privatizimin e objektit dhe urdhëron fillimin e procedurës për vlerësimin e objektit me qëllim privatizimin.
Synimi
Për periudhën 2014-2016, Qeveria Rama ka parashikuar 270 milionë euro privatizime të aseteve të mbetura pronë të Shtetit. Plani do të ketë kundërshtar kryesor situatën e sotme në tregjet ndërkombëtare. Për këtë vit, Qeveria ka parashikuar privatizimin e të gjitha aseteve dhe aksioneve shtetërore të shoqërive në sektorët jostrategjikë.
Të ardhurat nga privatizimet në vite janë parë si një element shumë i rëndësishëm për arkën e shtetit. Viti 2000 ishte i pari që shënoi të ardhura të larta nga privatizimet, me 8.9 miliardë lekë, duke financuar 22% të deficitit. Në vitin 2001, privatizimet u rritën me 43% dhe financuan 30% të deficitit të atij viti, ndërkohë që dy vitet pasues patën një mesatare shumë të ulët. Viti 2004 shfaqi sërisht të ardhura të larta nga privatizimet. Përveç të tjerave, 2004-a lidhet edhe me privatizimi i ish-Bankës së Kursimeve, e cila mundësoi përballimin e një pjese të deficitit si dhe reduktimin e borxhit publik. Në vitet 2005 dhe 2006 u rikthye pushimi i procesit, ndërkohë që vetëm në vitin 2007 u realizua privatizimi i shoqërisë Albtelekom.
Viti 2008 u pasua me një rënie 58% të të ardhurave të privatizimit. Gjithsesi, ato ishin në një masë të kënaqshme. Ishte tashmë radha e kompanisë ARMO për t’u tranferuar drejt sektorit privat. Viti 2009 shënon pikën më të lartë të të ardhurave nga privatizimet. Rreth 25 miliardë lekë shërbyen për financimin e deficitit dhe padyshim që shitja e 76% e aksioneve të Operatorit të Sistemit të Shpëndarjes sh.a. ishte ngjarja kryesore e vitit.
Paketa e parë e objekteve që shpallen në privatizim
1 Arka e Kursimit Shkodër
2 Ish Muze në Sheper, Gjirokastër
3 Ish Shkolla e Mesme në Nivan, Gjirokastër
4 Magazina e Farmacive Elbasan
5 Objektet 8,9,10,11,12,13 te Ish N/Repart Ushtarak AKA
2825, në Kala, Berat
6 Tunele Tapizë Tiranë
7 Librari Fier
8 “Garazh” Ish UPN Kuçovë
9 -“Zyra te Permbarimit Gjyqesor“ Berat
10 Ish Ofiçinë, Bibliotekë, Magazinë, Morg dhe Lavanteri,
Shkodër
11 Çerdhe 1 Maj Shkodër
12 Ish Dogana, Stacioni i Trenit Shkodër
13 Banaku i Lokal Sopoti Librazhd
14 Garazhe të Ish qendrës Ekonomike të Arsimit në
Librazhd
15 “P.P.K.Llongo” në Gjirokastër
16 Depo në Libonik Korçë
17 Ndërtesa e grupit Spatharë Shkodër
18 Kantina e Verës Milot
19 Kinema 13 Shtatori Berat
20 Ish zyrat e Gjëndjes Civile Çërravë Pogradec
21 Parkimi i Automjeteve Tiranë
22 “Oficina e ish Ndërmarrjes Gjeologjike Burrel
23 Ish ndërmarrja e drithit (ish banesë shtetërore) Elbasan Lagja Çlirimi
24 Librari “Kuvendi” Lezhë
25 Zyrat e ish ndërmarrjes Komunale Çorovodë
26 Ish-ofiçina e ekspeditës Gjirokastër
27 Ish Parku Automobilistik i mallrave Memaliaj
28 Arkivi i filmit, magazina kostumesh, Atelie e vjetër Tiranë
29 Garazh, ish SMT në Gramsh
30 Pikë karburanti centrale Vlorë
31 Ndërtesë e Grupit Qafë-Qele Shkodër Kaftallë, Qerret, Fushë Arrës, Pukë
32 Ndërtesa e Grupit Pukë “Kroi i Zojës” Fushë Arrës
33 Magazinë Shkozet (ish DFE Durrës) Durrës
34 Depo drithi ne Trebinje-Pogradec
35 Posta e Policise Kufitare Katund Dropull i Sipërm
36 Librari në fshatin Sinanaj, Tepelenë
37 Ndërtesë e grupit Bogë Shkodër Komuna Kelmend
38 “Dyqan Industrial” Potom Skrapar
39 “Ish-Zyrat e Komunës” në Vrisera Gjirokastër
40 “Ish-Ambulanca”, kati përdhe në Vrisera Gjirokastër
Paketa e dytë e objekteve që shpallen në privatizim
1 “Ish Shkolla 8 vj Lapardha 1”, Berat
2 “Ish Shkolla Fillore” Veterik, Berat
3 “Agjencia” e parkut të udhetarëve Berat
4 Garazhe Fier
5 “Mensë, zyra, magazinë”, Buçimas Korçë
6 NFK-Ndërfushas, Rrëshen
- Ndërtesë e Grupit Tamarë Sektori Shkodër
8 Sera & magazina tek instituti i patates Tiranë
9 Ambiente në Katin e Parë të Godinës 2 katëshe SHGJSH Tiranë
10 Godinë 1 katëshe e sharrave prerëse të kampioneve Tiranë
11 Magazina e Repartit të Montimit Tiranë
12 Objekti “Ambient” i ish Shtëpisë Botuese Naim Frashëri Tiranë
13 Farmacia Klos
14 Ish depo karburanti Suç
15 5 Objekte të Drejtorisë Pyjore Dibër
16 Objekti nr. 104, Uzina 12 & Ni-Co Elbasan
17 Reparti i Marangozit Ersekë
18 “3 Depo + peshorja” e rep.101/k Lapardha Berat
19 “Godina e gjykatës së rrethit” Skrapar
20 “N.Sh.N“ (ish SHISH-i Kuçovë)
21 “Agjencia Mbolan” Berat
22 Magazinat e Vjetra, Këndi kuq Dibër
23 Peshore Shupenzë Dibër
- Ambjente Artizanale Peshkopi
25 Objekti Ish Kooperat.Bujqësore”Partizani” në Fushë-Krujë
26 Ish Zdrukthtari për shërbime funerale në Gramsh
27 Objekti nr. 124 (Stacioni i aspiratorëve të gazit) Elbasan
28 Ish Magazinat e Spitalit Gramsh
29 Garazhe në Elbasan
30 Bodrum në lagjen “Kongresi i Elbasanit” në Elbasan
31 Drejtoria e Shërbimit Pyjor, Këlcyrë
32 “Posta e Policisë Kufitare Mesare”, Përmet
33 “Shkolla e Vjetër Çarshovë”, Përmet
34 Objekte: ”Ofiçina Qendër”, “Zyrë e Sektorit”,”Depo & Zdrukthtari”, “Magazina” dhe “Garazhe” Tepelenë
35 “Zyrat e Ish-Kooperativës” në Golem, Gjirokastër
36 “Pulari Reparti ushtarak 1015” Pogradec
37 “Objektet PPK Peshkëpi” Pogradec
38 “Dega Arkivore Kolonjë Korçë
39 Ndërtesë e Grupit Bushat Shkodër
40 Agjensia e Kredive Vlorë
41 Reparti i Axhusterisë Fier
42 Ish ndërmarrja Gjeologjike Vlorë
43 Garazh Pogradec
44 Librari Berat
45 Godinë 1 katëshe Korçë
