Gëzim Saliu
ASHE fiton bashkitë e mëdha të vendit, PD siguron rezultat pozitiv në zonat ku ishte në “luftë” me LSI, nga Lezha, Pogradeci deri tek Vora
Aleanca për Shqipërinë Evropiane është fituese e zgjedhjeve vendore që u zhvilluan në 21 qershor. Kur ende nuk është mbyllur numërimi zyrtar për të gjitha bashkitë, e majta rezulton fituese në më shumë se 36 bashki e ndërsa të djathtët deri më tani kanë siguruar 13 njësi vendore. Ajo që vihet re në këto zgjedhje lokale është fitorja e mazhorancës në bashkitë e mëdha si Elbasani, Fieri, Korça dhe më tej më pas me Lushnjën dhe Gjirokastrën. Ndërkaq, edhe pse numërimi vazhdon në Durrës, kandidati i së majtës Vangjush Dako duket në epërsi të dukshme me rreth 6 mijë vota ndaj kandidates të së djathtës Grida Duma. Por ndërsa të majtët morën rezultate pozitive në këto bashki, ka qenë opozita ajo që ka siguruar fitoren në disa bashki që në nisje të garës dukeshin si të pamundura. Marrja e rezultatit pozitiv nga PD-ja në Lezhë dhe Pogradec ishte një shenjë e mirë për opozitën në këto zgjedhje, aq më tepër kur marrim parasysh se në të dyja këto gara kishte përballë LSI-në. Në garën e Lezhës, Tushaj mori vetëm 48% të votave e ndërsa kandidati i opozitës Fran Frrokaj fitoi me 52% të votave.
Çfarë ndodhi me PS-LSI
Por ndërsa Partia Socialiste siguroi fitore të thellë në të gjitha bashkitë e mëdha, ku duket se ka pasur mbështetje të fortë edhe nga aleatët e LSI-së, kjo e fundit ka shënuar humbje në disa njësi të mëdha ku kandidonte me propozimet e saj. Forca e drejtuar nga Ilir Meta humbi përballë PD-së në garën për Bashkinë e Pogradecit, në Vorë, në Kukës, në Lezhë, në Selenicë dhe në Mallakastër. Në të gjashta këto bashki, nga 15 gjithsej që përzgjodhi LSI në këto zgjedhje vendore, forca e dytë kryesore e koalicionit të majtë kishte pretenduar fitore, duke vënë në plan parësor Lezhën, Kukësin dhe Vorën. Por të tria këto bashki u humbën përballë PD-së, gjë e cila mund të cilësohet si një votë pro opozitës. Por nga ana tjetër, një humbje e LSI-së në këto bashki mund të përkthehet edhe në një mosfunksionim si duhet të koalicionit të kësaj force me PS-në. Kjo, pasi përzgjedhja e këtyre njësive nga ana e forcës së Metës është bërë me kujdes, me synim fitoren e të paktën 13 bashkive. Por duket se bashkëpunimi i koalicionit PS-LSI në të paktën 3 bashkitë e mëdha nuk ka funksionuar si duhet, ku këto rezultate të partisë së Metës tregojnë për mungesën e bashkëpunimit mes dy partive kryesore në terren.
Lezhë
Fran Frrokaj i APPD fitoi me 23 566 vota
Kandidati i ASHE, Viktor Tushaj 18 921 vota
Vorë
Luan Sallaku ASHE 49.6
Fiqiri Ismaili APPD 50.5
Selenicë
Kasem Cenaj ASHE 3571
Perparim Shametaj APPD 4483
Pogradec
Diana Mile ASHE 16 316 vota
Eduard Kapri i APPD 17 806 vota
Mallakastra
Shyqyri Kapllani i ASHE 7726 vota
Agron Kapllanaj i APPD 9410 vota
Kukës
Bashkim Shehi i APPD fitoi me 14 303 vota
Hasan Halili i ASHE mori 11 260 vota
Veliaj kryeson bindshëm Tiranën, Dako gati për mandatin e tretë
Gara për Bashkinë e Tiranës duket se tashmë ka marrë rrugën e saj drejt rezultatit përfundimtar me një kryesim të bindshëm nga ana e kandidatit të majtë Erion Veliaj. Deri pas mesnate Veliaj kryesonte me 53.7% të votave e ndërsa Kosova me vetëm 39.1%. Të përkthyer në vota këto shifra tregojnë se kandidati i majtë ka marrë 134680 vota e ndërsa propozimi i PD-së ka marrë 98357 vota nga 732 kuti të votuar nga 864 kuti gjithsej. Ndërkaq, edhe gara në Durrës duket se tashmë nuk do të ketë më histori, pasi diferenca kur ishin numëruar 139 kuti nga 310 mes kandidatit të majtë Vangjush Dako dhe asaj të djathtët Grida Duma është më shumë se 5 mijë vota. Dako ka siguruar deri në këto kuti 25859 vota ose 58.06% e ndërsa Duma vetëm 18683 vota ose 41.94%.
Bashkitë e fituara nga kandidatët e majtë:
- Bashkia Tepelenë – Tërmet Peçi
- Bashkia Sarandë – Florjana Koka
- Bashkia Korçë – Sotiraq Filo
- Bashkia Maliq – Gëzim Topçiu
- Bashkia Divjakë – Fredi Kokoneshi
- Bashkia Gramsh – Luljeta Dollani
- Bashkia Peqin – Saimir Hasalla
- Bashkia Belsh – Arif Tafani
- Bashkia Urë Vajgurore – Juliana Memaj
- Bashkia Poliçan – Adriatik Zotkaj
- Bashkia Roskovec – Majlinda Bufi
- Bashkia Konispol – Shuaip Beqiri
- Bashkia Mirditë – Ndrec Dedaj
- Bashkia Himarë – Jorgo Goro
- Bashkia Fushë-Arëz – Fran Tuci
- Bashkia Libohovë – Luiza Mandi
- Bashkia Kolonjë – Arben Malo
- Bashkia Pukë – Gjon Gjonaj
- Bashkia Delvinë – Rigels Balili
- Bashkia Skrapar – Nesim Spahiu
- Bashkia Has – Adem Lala
- Bashkia Pustec – Edmond Themelko
- Bashkia Këlcyrë – Klement Ndoni
- Bashkia Cërrik – Altin Toska
- Bashkia Kurbin – Artur Bardhi
- Bashkia Rrogozhine – Beqir Nuredini
- bashkia Librazhd – Kastriot Gurra
- Bashkia Finiq – Leonidha Hristo
- Bashkia Lushnjë – Fatos Tushe
- Bashkia Memaliaj – Durim Roshi
- Bashkia Fier – Armando Subashi
- Bashkia Elbasan – Qazim Sejdini
- Bashkia Patos – Rajmonda Balilaj
- Bashkia Gjirokastër – Zamira Rami
- Bashkia Përrenjas – Miranda Rira
- Bashkia Shijak – Ardian Kokomani
- Kuçovë, Selfo Kapllani
- Dibër, Shukri Xhelili
Bashkitë e fituara nga kandidatët e djathtë:
Bashkia Vau i Dejës – Zef Hila
Bashkia Pogradec – Eduart Kapri
Bashkia Vorë – Fiqiri Ismaili
Bashkia Mat – Nezir Rizvani
Bashkia Selenice – Përparim Shametaj
Bashkia Klos – Basir Çupa
Bashkia Përmet – Niko Shupuli
Bashkia Tropojë – Besnik Dushaj
Bashkia Mallakastër – Agron Kapllanaj
Bashkia Dropull – Arqile Deçka
Bashkia Kukës – Bashkim Shehu
Bashkia Devoll – Bledjon Nallbati
Bashkia Lezhë – Fran Frrokaj