Shtohet edhe një njohje shtetërore në listën e gjatë të shteteve që kanë njohur zyrtarisht Pavarësinë e Kosovës. Shteti Niue, i cili ndodhet në Oqeanin Paqësor, ka njohur edhe zyrtarisht shtetin e Kosovës.
Lajmin e bën me dije zv.kryeministri i Kosovës, Hashim Thaçi.
“Mbrëmë mora notën verbale nga Toke Talagi, kryeministri dhe ministri i jashtëm i shtetit Niue, që gjendet në Oqeanin Paqësor, për njohjen e Kosovës dhe themelimin e marrëdhënieve diplomatike në mes dy shteteve tona”, shkruan Thaçi në rrjetin social Facebook.
