Sekretari i përgjithshëm i UEFA-së ka zbardhur mundësinë e pranimit të shpejt të Kosovës në shtëpinë evropiane të futbollit. Gianni Infantino, sekretari i përgjithshëm i UEFA-së ka informuar se është duke u diskutuar anëtarësimi i Federatës së futbollit të Kosovës (FFK). Të enjten do të takohet komiteti ekzekutiv i UEFA-së në Maltë, ku gjendet edhe presidenti i FFK-së, Fadil Vokrri dhe sekretari i përgjithshëm, Eroll Salihu. “Në rend dite është shqyrtimi i kadidaturës së Kosovës”, tha Infantino. Para pranimit të Kosovës në FIFA, ajo së pari duhet pranuar në Federatën e saj kontinentale, UEFA. Pranimi i deritashëm i FFK-së në UEFA është bllokuar nga neni famoz nga viti 2001 i kushtëzimit të anëtarëve të ri me anëtarësim të shtetit në Organizatën e Kombeve të Bashakuara, por duket se edhe ky peng nuk do ta ndalojë më ndërkombëtarizimin e FFK-së.
