Shqipëri – Serbi në fushën e futbollit. Këtë herë nuk do të jenë futbollistët e De Biasit por kombëtarja U-19 e femrave që drejtohet nga Nevil Dede që do të përballet me bashkëmoshataret serbe për fazën eliminatore për kampionatin Evropian të vitit 2016-2017 në këtë kategori. Shorti i hedhur në Nion të Zvicrës vendosi Shqipërinë në grupin e katërt bashkë me Serbinë, Skocinë dhe Qipron. Eliminatoret do të zhvillohen me sistem grumbullimi. UEFA bën të ditur se ato do të luhen ose nga 12 deri në 20 shtatori ose nga 17 deri në 25 tetor, gjithmonë të vitit të ardhshëm, ndërkohë që ende nuk është përcaktuar vendi se ku do të zhvillohen ato, një detaj tepër i rëndësishëm ky nëse merret parasysh problematika që ofron një përballje mes Shqipërisë dhe Serbisë. Në short janë ndarë në 11 grupe me nga 4 skuadra, 44 përfaqësuese nga 47 te kualifikuar qe do te garojnë për vendet në fazën e Elite Round, që do të zhvillohet në pranverën e vitit 2017. Në Elite Round do të marrin pjesë dy vendet e para të çdo grupi si dhe e treta që ka rekordin më të mirë në përballjet me dy kryesueset. Skuadrat e kualifikuara do ti bashkohen në fazën e Elitës Francës, Anglisë dhe Gjerma
