Rreth 145 punëtorë të Uzinës së Përpunimit të Naftës në Fier kanë bllokuar punën në shenjë proteste ndaj mosmarrjes së pagave. Ata janë mbledhur para hyrjes së uzinës, duke kërcënuar se do të bllokojnë të gjithë punën nëse nuk paguhen. Rafineria është në punë me kapacitet të plotë, duke përpunuar naftën bruto të nxjerrë në vend, çmimi i së cilës, për shkak të tregut ndërkombëtar, ka rënë shumë, ndërkohë që çmimi i shitjes në tregun me pakicë të karburanteve ka rënë shumë pak. Naftëtarët kërkojnë ndërhyrje nga shteti që të marrë zgjidhje problemi, ndaj të cilit paralajmërojnë bllokim të punës. Gjithashtu ata deklaruan se do përshkallëzojnë protestat nëse nuk zgjidhet problemi i pagesës.
