Drejtori sportiv i Lazios, Igli Tare, ka pranuar se klubi i tij do të shqyrtojë çfarëdo oferte që do të pranojë gjatë këtij afati kalimtar. Manchester Unitedi ka shprehur interesim për Felipe Anderson dhe po spekulohet për një shumë deri në 50 milionë euro. Pas raportimeve në mediat britanike për mundësinë e transferimit të brazilianit, gazetarët e kanë pyetur ish-sulmuesin shqiptar për këtë çështje. “Largimi i lojtarëve? Do ta shqyrtojmë çdo ofertë”, ka thënë Tare përMediaset. “A do të vijnë lojtarë të tjerë? Pas Milan Bisevac do të bëjmë transferime të tjera në mbrojtje”, ka shtuar ai.
