Komisioni i Ligjeve e rrëzoi me votat e mazhorancës dekretin e Presidentit, që ktheu në parlament për rishqyrtim Ligjin e Pronave. Mazhoranca e konsideroi vendimin e kreut të shtetit si të njëanshëm. Përfaqësuesit e institucionit të Presidentit dhe opozita kërkuan që ligji të rishikohet, për t’u respektuar të drejtat e ish – pronarëve. Më 29 Dhjetor, Presidenti i Republikës ktheu ligjin, duke argumentuar se ai binte ndesh me Kushtetutën, Konventën Europiane të të Drejtave të Njeriut dhe me jurisprudencën e Gjykatës Europiane të të Drejtave të Njeriut.
