PSG gati 80 milionë euro për Hazard

Chelsea mund të pranojë një ofertë prej 80 milionë eurove nga Paris Saint-Germaini për shërbimet e Eden Hazard. 25-vjeçari është pjesë e shumë spekulimeve se do të largohet nga Stamford Bridge në fund të sezonit, me shumë klube të mëdha evropiane të interesuara për të. PSG po i prin garës dhe, sipas BuzzSport, belgu po vlerësohet si zëvendësim ideal i Zlatan Ibrahimovicit, edhe pse nuk luajnë në pozitën e njëjtë. Suedezit i skadon kontrata në fund të sezonit dhe ka refuzuar të flasë për të ardhmen duke shtuar spekulimet se do të largohet nga kryeqyteti francez.