Albana Zeqja ka qenë nëndrejtoreshë në një bankë të nivelit të dytë në kryeqytet. Në janar të vitit 2015, ajo u arrestua pasi u konstatua se përmes dokumenteve të falsifikuara dhe duke shfrytëzuar detyrën, kishte arritur të tërhiqte nga arka miliona lekë. Gjykata pas një shqyrtimi gjyqësor e cilësoi fajtore Zeqajn dhe e dënoi me 3 vite burg. Por kjo masë dënimi nuk do të kryhet. Kjo për faktin se dënimi është pezulluar, pas kërkesës së vet të pandehurës, përmes avokatit mbrojtës dhe akuzës. Sipas prokurorisë në janar të vitit të kaluar banka ku e pandehura punonte ka bërë një kallëzim penal në ngarkim të saj. E pandehura Albana Zeqja, ka qënë e punësuar pranë kësaj dege, me detyrën e zv. Drejtorit të Degës. Nga raporti i Kontrollit të Brendshëm, të kësaj Banke, ka rezultuar se kjo shtetase ka përvetësuar, me anë të veprimeve të kundraligjshme, një vlerë prej 32.554.96 me anë transaksionesh bankare, të parregullta, për periudhën Nëntor 2010 – Mars 2014. Këto veprime të konstatuara janë si më poshtë: Hartimi në emër të klientëve i aplikimeve për kredi, shlerja e të cilave sigurohet me shumat e depozitave me afat që këta klientë kanë patur pranë Banka e Tiranës, pa dijeninë e klientëve duke fallsifikuar firmat e tyre. Nënshkrimi në emër të klientëve i kontratave të kredisë si dhe të marrëveshjeve siguruese/pengut, mbi shumat e depozitave me afat, pa dijeninë e klientëve dhe duke fallsifikuar firmat e tyre.
Tërheqje në cash nga llogaritë e kredive të klientëve duke përdorur mandate bosh të firmosura më parë ng aklientët ose me firmë të fallsifikuar të klientëve nga vetë pandehura. Shlyerja e kësteve të kredive të tërhequra nga pandehura si në emrin e saj, ashtu dhe në emrin e klientëve nëpërmjet çeljes dhe debitimit të llogarive të brendshme të bankës. Shlyerja e kredisë të klientit të marrë dhe tërhequr pa dijeninë e klientit, nëpërmjet shumës të depozitës me afat të klientit. Kryerja e veprimeve si dhënie kredie, shtyrje të afatit të kredisë, rritje e limitit të kredisë etj., pa miratimin e organeve të brendshme të Bankës. Transaksionet janë kryer pas orarit të punës dhe pasi janë printuar nga dega të gjitha transaksionet ditore të punonjësve. E pandehura Albana Zeqja është thirrur dhe ka dhënë shpjegime pranë auditit te brendshëm të bankës në lidhje me këto veprime, ku ajo vetë ka pranuar nëpërmjet një deklarate me shkrim, se ka kryer veprime transaksione bankare dhe konkretisht: Hapjen e kredisë me cash kolateral për klientin Ilir Luzi, në shumën prej 1.000.000 lekë, pa dijeninë e tij. Hapja e kredisë me cash kolateral për klientin Nazmie Caka, në shumën prej 2.100.000 lekësh, pa dijeninë e saj.
