Kjo është kutia e zezë që do të përcaktojë shkaqet e rrëzimit të helikopterit në Shkodër

“Kutia e zezë” ose “kamera” e helikopterit të rrëzuar në Shkodër u nxorr sot në mesditë nga polumbarët. Gjatë procesit të kontrollit dhe nxjerrjes së saj ka qenë i pranishëm drejtuesi i Prokurorisë së Shkodrës, Granit Shahu. Ndërkohë, ekspertët francezë të kompanisë Eurocopter, janë rikthyer në vendin e ngjarjes. Për shkak të kushteve të vështira të motit gjatë së premtes, ata bënë vetëm kqyrjen e vendit te ngjarjes, verifikimin e pjesëve të nxjerra nga liqeni si dhe u informuan nga ushtarakët shqiptarë lidhur me të dhënat që kishin grumbulluar.