Për herë të parë agjencia amerikane për kontrollin e ushqimeve dhe barnave, FDA, ka raportuar si efekt anësorë të vaksinës së difteri-tetanoz-pertusis për fëmijët dy, katër dhe gjashtë muajsh edhe autizmin.
Sejrie Baleta
Pranimi që ka bërë Agjencia për Ushqimet dhe Ilaçet (Food and Drug AdministrationFDA) në lidhje me vaksinën e fëmijë, dhe efektet anësore që ajo shfaq, ka bërë që shumë prindër të refuzojnë vaksinimin e fëmijëve. Agjensia ka publikuar një dokument të vaksinës, ku janë raportuar efektet anësore që shkaktojnë autizëm. Vaksina “Tripedia”, që shkakton kollë, nuk është më në treg. “Tripedia” është projektuar që të merret në 5 doza për fëmijët nga 6 javë deri në 7 vjeç. Ka edhe shumë efekte të tjera anësore, të cilat janë shkaktuar nga vaksina, si SIDS (Sudden Infant Death Sindrom), reaksion anafilaktik (reaksion alergjik i rëndë), nivele të ulëta të trombociteve të gjakut, inflamacion të trurit , hypotonia (sindromi floppy baby), infeksion bakterial të lëkurës etj. Në këtë dokument thuhet se ngjarjet janë raportuar nga një pjesë e madhe e popullsisë. Edhe pse kanë dalë dokumente që pranojnë se vaksina shkakton autizëm, Qendra për Kontrollin e Sëmundjeve vazhdon me pretendimet se vaksina me autizmin nuk kanë asnjë lidhje. Ndërkohë Agjencia Amerikane për Kontrollin e Ushqimeve dhe Barnave ka raportuar si efekt anesor autizmin në vaksinën e DTP që u bëhen fëmijëve në moshën dy muaj. Për herë të parë agjencia amerikane për kontrollin e ushqimeve dhe barnave, FDA, ka raportuar si efekt anësorë të vaksinës së difteri-tetanoz-pertusis për fëmijët dy, katër dhe gjashtë muajsh edhe autizmin. Shkak duket të jetë përmbajtja e një konservuesi derivat i mërkurit i quajtur timerasal. Megjithatë Qendra për Kontrollin dhe Parandalimin e Sëmundjeve po në Shtetet e Bashkuara nuk e ka provuar shkencërisht. Përpara një situate të tillë lind pyetja a duhet ti vaksinojnë prindërit fëmijët e tyre? Ndërkohë në qendrat shëndetësore mjekët tregojnë se shumë prindër refuzojnë vaksinën e fruth-rubeoles për fëmijët në vitin e parë të jetës. Debatet në botë kanë shkaktuar frikë edhe tek familjet shqiptare. Studimet e fundit sipas pediatres Kika nuk tregojnë atë që shkruajti revista shkencore “Lancet” më herët, se kjo vaksinë mund të shkaktojë autizëm.
