Shkodër/ Gjendet e vdekur në tualetin e mobilerisë, dyshohet se e ka vrarë bashkëshorti

Policia e Shkodrës ka ndaluar bashkëshortin e 45-vjeçares Suela Sula që u gjet e vdekur dje në tualetin e mobilerisë që ajo ka në bashkëpronësi.   Sipas burimeve, mësohet se burri i viktimës, Sadetin Sula është ndaluar dhe po merret në pyetje nga policia si personi i dyshuar që ka vrarë bashkëshorten e tij 45-vjeçare. Sadetin Sula është bashkëpronar i mobilerisë ku u gjet e vdekur gruaja e tij.   Mbrëmë, fillimisht u raportua se viktima ishte vetëvrarë, por më pas nga ekspertiza u konfirmua se ngjarja ishte vrasje. Në trupin e viktimës kishte një plagë thike dhe u gjet e lidhur me litar në qafë.