Ata janë binjakë por jo të ndarë. Pin dhe Pan i përkasin moshës 7 vjec dhe janë fëmijë të lumtur që ecin, vishen, madje dhe ngasin një bicikletë me tre rrota si të gjithë fëmijët e tjerë.
Binjakët e bashkuar Pin dhe Pan flasin për ndjesitë e tyre duke treguar se lidhja e tyre është shumë e fortë dhe se nuk dëshirojnë të ndahen, edhe nëse kjo është e mundur nga ana mjekësore.
Motrat shtatë vjeçare, nga Tajlanda, kanë lindur me kokat e tyre,trup dhe krahë, por janë të lidhura në bel. Dyshja ndan një palë këmbë, me Pin që ka kontrollin e njërës dhe Pan kontrollin tjetrës, dhe kanë mësuar të ecin, të vishen, të hanë dhe për më tepër të ngasin një biçikletë me tri rrota, sikur të ishte një person.
Binjakët jetojnë në Nakhon Sawan, rreth 250 km në veri të Bangkok, Tajlandë, me gjyshërit e tyre që i përshkruajnë ata si fëmijë “normalë e të lumtur”.
Gjyshja e tyre, Noknoi Pongchumnan, ka thënë se : “Ata duan të këndojnë , duke ngrënë akullore, duke ndihmuar njëri-tjetrin në veprimet që bëjnë”.
Binjakët e bashkuar janë shumë të rralla, ndodhin rreth një herë në çdo 2.5 milion lindje, por Pin dhe Pan kanë zotëruar artin e të ecurës si gaforre me duart dhe këmbët e tyre dhe mund të ngjisin shkallët edhe pa ndihmë.
Për distanca më të gjatë, ata ngasin një biçikletë me tri rrota rozë, dhe në shkollë, një mësues i shtyn ata me një karrike me rrota.
Binjakët ndjekin shkollën në Nakhonsaëanpunyanukul një shkollë speciale për fëmijët në nevojë.
Prateep Suthat, mësuesi binjakëve , ka thënë se : “Nxënësit mendonin për Pin dhe Pan se ishin ndryshe nga fëmijët e tjerë madje edhe i kanë pyetur se ” Pse dy njerëz kanë një trup “?
Pasi ata kaluan kohë së bashku, ata e kuptuan Pin dhe Pan që janë të njëjtë si çdo fëmijë tjetër , dhe tani ata luajnë të gjithë së bashku.” Mësuesit dhe gjyshërit e tyre besojnë se ata pas shkollimit të tyre do të bëhen të pavarur në jetë dhe do tia dalin në të ardhmen.
