Ambasada italiane në Tiranë ka njoftuar përmes faqes së saj online se, praktikat e para-regjistrimit për të përfituar vizë studimi në Itali për vitin e ardhshëm akademik (2016-2017), nisin brenda datës 7 korrik. Ambasada italiane njofton se brenda 7 korrikut, studentët që dëshirojnë të fillojnë procedurën e para-regjistrimit, duhet të caktojnë një takim pranë Ambasadës përmes faqes online të saj.
Dokumentet e nevojshme për regjistrimin:
-Çertifikata e lindjes dhe ajo familjare të përkthyera
-Formulari i regjistrimi i plotësuar, por i pa firmosur
-Formulari i autentikimit të fotografisë, i plotësuar, por i pa firmosur
-Dëftesa e Pjekurisë dhe Certifikata e Maturës Shtetërore, në origjinal (ose kopje e njëjtë me origjinalin)
-Çertifikatë e gjuhës italiane
-Fotokopje e pasaportës si dhe 2 fotografi me ngjyra për dokument
