Komisioni Evropian do të rekomandojë liberalizimin e vizave në zonën Schengen për qytetarët e Kosovës. Të paktën kështu shkruan Financial Times, e cila raporton se kosovarët do të mund të lëvizin pa viza bashkë me qytetarët e Gjeorgjisë, Ukrainës dhe Turqisë.
“Republika që ka shpallur pavarësinë në vitin 2008 nga Serbia, është përballur vazhdimisht me probleme dhe me një migrim kronik. Më shumë se 40 për qind e të rriturve janë të pa punë derisa një e katërta e familjeve mbështeten në paratë e dërguara nga anëtarët e familjes që jetojnë jashtë vendit”, shkruan Financial Times për Kosovën.Kosova vazhdon të jetë i vetmi shtet në Ballkanin Perëndimor pa liberalizimin e vizave.
