Durrës/ Dhunohet presidenti i ekipit të Skënderbeut, Ardian Takaj

Presidenti i ekipit të Skënderbeut, Ardian Takaj është dhunuar ditën e djeshme gjatë ndeshjes Teuta-Skënderbeu. Persona ende të paidentifikuar kanë rrahur Presidentin Takaj në stadiumin e Durrësit, ku po zhvillohej përballja mes dy ekipeve. Ende nuk dihen arsyet e ndodhjes së kësaj ngjarje, por paraprakisht incidenti nuk duket të jetë anti-sportiv. Pritet që policia e Durrësit të japë informacione lidhur me ngjarjen e ndodhur, ndërsa ende nuk dihet nëse Takaj ka përfunduar në spital apo diku tjetër.