Mediat greke vazhdojnë ta ndjekin vrasjen e 26 vjeçarit shqiptari Bledar Tërpollari, i cili u gjet me kokë të prerë pak ditë më parë. Ato kanë publikuar foto të tij si dhe video nga vendi ku flinte shqiptari.
Mediat greke hedhin dyshime se vrasja e tij mund të jetë kryer edhe nga shtetas grekë. Kufoma pa kohë u gjet mëngjesin e të hënës (09/05/2016) nga një fermer që e kishte punësuar prej dy muajsh shqiptarin.
Vrasja brutale e të riut në Potamia të Komunës së Sulit Thesprotia ka shkaktuar jehonë tek komuniteti lokal.
Duke përmendur median shqiptare, mediat greke citojnë nënën e viktimës, e cila kërkon zbardhjen e ngjarjes, duke theksuar se i biri kishte shkuar në moshë fare të re në emigracion.
Sipas medieve vendase, i riu Tërpollari është arrestuar në Shqipëri për posedim droge dhe me t’u liruar ka shkuar në Greqi.
Edhe zbulimi i tablateve telefonike nuk ka dhënë prova për vrasjen makabre.
