Një 50-vjeçar është arrestuar nga policia e Tiranës. Në pranga ka përfunduar Isa Haka. Për të policia e komisariatit numër 1 kishte informacione se merrej me shitjen e armëve.
Kështu gjatë kontrollit në banesën e tij policia e ka kapur në flagrancë. 50-vjeçarit i janë gjetur: një automatik “AK 47” bashkë me një krehër me 27 fishekë; një pistoletë 8 mm, e tipit “Blow Mini Mod 2003” bashkë me një krehër me 5 fishekë. Për 50-vjeçarin rëndon akuza e “Prodhimit dhe mbajtja pa leje e armëve luftarake dhe e municionit”.
