Si u arrestuan 3 vëllezërit vrasës në Tropojë. Policia: Bënë rezistencë me armë

Policia e Kukësi dha detaje rreth kapjes e arrestimit të autorëve të dyshuar të vrasjes së shtetasit Ardit Mrishaj dhe plagosjen e shtetasit F.Q, të shpallur në kërkim, ngjarje kjo e ndodhur më datë 14.06.2016. Specialistët e Sektorit për Krimet e Rënda në Drejtorinë Vendore të Policisë Kukës në bashkëpunim me Efektivat e Komisariatit të Policisë Tropojë, kanë zbuluar se pas krimit dy nga tre vëllezërit Niklekaj nga Cërnica fshiheshin në fshatin Kokdodë të Pukës. Henerik Niklekaj, 22 vjeç dhe Fitim Niklekaj, 24 vjeç, të dy të dënuar më parë për vepra të ndryshme penale kanë bërë rezistencë. Por pasi jane rrethuar nga forca të shumta të policisë janë dorëzuar. Policia u gjeti edhe kallashnikovin me të cilin kryen vrasjen. Vëllai i tyre u kap menjëherë pas krimit.