Lëvizja Socialiste për Integrim ka reaguar ashpër pas deklaratës së deputetit Përparim Spahiu, i cili tha një ditë më parë se nuk do ta votojë ndarjen e sovranitetit.
LSI është distancuar nga deklarata e Spahiut, duke e cilësuar atë qëndrim personal të deputetit.
Ndërkohë, pritet që kjo deklaratë t’i kushtojë shtrenjtë deputetit Spahiu, pasi zëra brenda LSI flasin për përjashtimin e tij nga grupi parlamentar. Gjithashtu, është njoftuar mbledhja e grupit të LSI javën e ardhshme.
“LSI distancohet nga deklarata e Spahiut. Mund të shkohet deri në përjashtim nga grupi të Spahiut”, kanë thënë burime nga LSI.
