BlackBerry, kompania kanadeze celulare ka shitur vetëm 500 mijë telefona globalisht në tremujorin e parë fiskal, nga 600 mijë në tremujorin e mëparshëm duke raportuar një humbje 670 milion $ e cila është humbja e madhe e saj në më shumë se dy vjet. Edhe pse pjesa më e madhe e humbjes vjen për shkak të akuzave në lidhje me ristrukturimin, shitjet ranë 400 milionë $, duke rënë 39% nga viti i mëparshëm, raportoi të premten The Telegraph. “Unë me të vërtetë besoj se ne mund të bëjmë para nga biznesi ynë i pajisjeve,” tha drejtori i BlackBerry John Chen për analistët financiarë gjatë një konference.

Vitin e kaluar, BlackBerry u përpoq të ringjallte biznesin e saj telefonik duke lëshuar në treg telefona inteligjentë me sistem operativ Android të Google (OS). Megjithatë, shifrat e hershme të shitjeve kanë qenë zhgënjyese. BlackBerry ka thënë se deri në shtator do të vendosë nëse do të ndalojë prodhimin e telefonave ose jo. “Biznesi i pajisjeve duhet të jetë i dobishëm, sepse ne nuk duam të drejtojmë një biznes që na çon drejt fundit,” tha Chen në takimin vjetor të BlackBerry. “Unë personalisht nuk besoj se aparatet telefonike do të jenë e ardhmja e çdo kompanie”, shtoi Chen.