Një ditë pas eliminimit me 11-metërsha nga Gjermania në çerekfinalen e “Euro 2016”, trajneri italian Antonio Konte largohet nga stoli i “axurrëve”.
Lamtumira e tij ishte e paralajmëruar më parë, pasi ai kishte firmosur një kontratë me klubin e Çelsit në Premier Ligë dhe marrëveshja hynte në fuqi pas përfundimit të Europianit.
Në fjalimin e fundit, Konte nuk i fshehu emocionet dhe sipas mediva italiane, ai u përlot dhe pati vështirësi me artikulimin e fjalëve.
Konte falënderoi kreun e federatës italiane të futbollit, lojtarët dhe stafin e “axurrëve”.
“Më vjen keq për djemtë, për mua ishte nder i madh t’i trajnoja. Më dhanë maksimumin që kishin”,-tha Konte.
Duke folur për pasuesin e tij, Venturën, Konte i uroj suksese në drejtimin e kombëtares. “E arritëm objektivin tonë në këtë Europian.
I qëndruam kampionëve të Europës dhe kampionëve të Botës”,-tha ai, duke nënkuptuar eliminimin e Spanjës dhe sfidën që luajtën një natë më parë ndaj Gjermanisë.
