Në tentim për të gjetur pak freski në këtë vapë të madhe, një vogëlushe nga Bellopoja e Podujevës, gjeti vdekjen.
Dy vjeçarja, Enuara Maloku, të martën, u mbyt në pishinën e gomës, që gjendej në oborrin e shtëpisë së saj.
Këtë e konfirmuan edhe babai i saj, Salih Maloku dhe gjyshi Shemsi Maloku, njofton Klan Kosova.
Ata nuk pranuan të flasin para kamerë, por megjithatë treguan se ngjarja ndodhi derisa të gjithë festonin Bajramin, e vajza për një moment u kishte ikur nga sytë.
Menjëherë familjarët e kishin dërguar në Qendrën e Mjekësisë Familjare në Lluzhan.
