Presidenti i klubit zviceran, Lugani, që militon në Challenge League ka nxjerrë në rrugë mbrojtësin e kombëtares kiuqezi Frederik Veseli. Në këtë moment presidenti Angelo Renzetti dëshiron të përfitojë para nga shitja e lojtarëve, sidomos e Veselit që është aktivizuar edhe me kombëtaren në Europian.
“Të presim derisa të kthehet nga pushimet, por për ne është në merkato”, ka shpjeguar për mediat zvicerane presidenti i Lugano. Ai ka lënë të hapur çdo mundësi për shitjen e mbrojtësit 23-vjeçar që është aktivizuar në 33 takime me fanellën e Lugano.
