Një aksident me pasojë tre të plagosur është regjistruar mesditën e sotme në kryeqytet.
Mësohet se ngjarja ka ndodhur në rrugën “Jordan Misja” në Tiranë, ku një makinë ka përplasur një grua dhe dy fëmijët e saj teksa tentonin të kalonin rrugën.
Tre të plagosurit janë dërguar me urgjencë në spital për të marrë dhe ndihmën e nevojshme mjekësore.
Drejtuesi i mjetit është larguar nga vendngjarja, ndërsa policia është vënë në ndjekje të tij.
