Një 19-vjeçar shqiptar është arrestuar nga policia në Perugia të Italisë, ndërsa e dashura e tij italiane po procedohet në gjendje të lirë, pasi policia ka gjetur marijuanë në banesën ku ata bashkëjetonin.
Katër bimië narkotike ishin mbjellë në vazo në ballkon, të cilat shqiptari tentoi ti ç’rrënjoste kur në banesë mësynë efektivët e policisë, raportojnë sot mediat lokale.
Në banesë, u gjetën edhe disa doza me hashash dhe marijuanë, 600 euro, përzjerës dhe materiale për paketimin e drogës, që u sekuestruan.
Shqiptari, babai i një vajze të vogël, u justifikua duke thënë se ishte i papunë dhe kjo ishte mënyra e vetme për të ecur përpara.
E dashura e tij me origjinë napoletane, rreth të 20-tave, u denoncua për kultivimin dhe posedim të substancave narkotike me qëllim trafikimi.
Ndërsa shqiptari, i cili ka marrë përsipër përgjegjësinë për gjithçka, u arrestua për të njëjtën vepër penale.
