Dy persona janë vrarë me armë zjarri, ndërsa një tjetër ka mbetur i plagosur. Ngjarja ka ndodhur mbrëmjen e sotme 24 korrik në qytetin e Vlorës pranë rrugës së spitalit.
Sipas gazetarës së Ora News në Vlorë, Jerola Ziaj ngjarja ka ndodhur për motive të dobëta në afërsi të një pikë bastes.
Viktimat janë dërguar në morg, ndërsa i plagosuri është dërguar në spitalin rajonal të qytetit bregdetar dhe ndodhet në gjëndje të rëndë shëndetësore.
Emrat e viktimave dhe personit të plagosur ende nuk bëhen të ditur, ndërsa shkaqet e ngjarjes janë ende të paqarta.
Forca të shumta policore kanë mbërritur menjëherë në vendin e ngjarjes dhe po punojnë për identifikimin dhe kapjen e autorëve.
Ngjarja e rëndë vjen në një periudhë kur qyteti i Vlorës është në kulmin e sezonit turistik dhe pushuesit janë të shumtë në numër.
