Frika, se numri i viktimave nga përmbytjet në Shkup mund të rritet, është e madhe. Autoritetet kanë nisur pastrimin e disa prej lagjeve më të goditura, ndërsa të paktën 6 persona zyrtarisht rezultojnë të zhdukur.
Një nga lagjet më të goditura nga përmbytjet është edhe lagjja Hasanbegut, e banuar me shumicë shqiptare. Jo zyrtarisht flitet se 10 nga 15 viktimat e deritanishme mund të jenë shqiptarë.
Banorët e kësaj lagjeje kanë treguar se uji iu ka shkuar në banesa si cunam. Ata kanë thënë se kjo nuk ju kishte ndodhur asnjë herë më parë dhe faji është i shtetit që nuk ka pastruar kanalizimet.
