Zbardhen detaje te reja në lidhje me vetëvrasjen e oficeres së policisë në Sarandë. Burime policore thanë se, ngjarja ka ndodhur rreth orës 19:21, kur e reja dyshohet se ka vrarë vetën në banesën e saj.
Trupi i pajetë i përket Jeroldina Iljazi, rreth 23 vjeçe, banuese në Sarandë, punonjëse policie me gradën Inspektore.
Dyshohet se punonjësja e policisë është vetëvrarë me armën e shërbimit në banesë, në dhomën e saj në lagjen nr. 3 Sarandë, për shkaqe ende të paqarta.
Në momentin e kryerjes së krimit, në banesë ka qenë edhe gjyshja e saj, thanë burimet policore. Uniformat blu kanë shkuar në vendin e ngjarjes dhe kanë kryer veprimet hetimore për zbardhjen dhe dokumentimin e plotë të ngjarjes.
