Dalin detaje të reja nga ngjarja e rëndë e ndodhur në Dibër, ku babai ka abuzuar seksualisht me të bijën 15vjecare. Mësohet se nëna e vajzës ka vdekur para 7 vitesh në një aksident rrugor dhe sot ajo jetonte me njerkën, babanë dhe vëllanë.
46 vjeçari Guri Përgjegji ishte kthyer nga Greqia para një viti. Sipas banroëve, vajza prej 10 ditësh rrinte e mërzitur. Ndërsa po banorët tregojnë se autori ngacmonte edhe femrat e tjera në fshat. Vajza e dhunuar seksualisht, nga ai që e solli në jetë, sipas mjekëve, ndodhet në gjendje të rëndë psikologjike. Zyrtarisht policia njofton se ka prangosur shtetasin Guri Përgjegji, baba biologjik i 15 vjecares.
Ngjarja
Ngjarja ka ndodhur dje ne një fshat të Njësisë Administrative Kastriot. Policia sqaron se ishte njoftuar qe një minorene ishte në gjendje të rëndë psikologjike. “Efektivat e policisë kanë shkuar menjëherë ku ka rezultuar se: Shtetasja E.P, 15 vjeçe ishte në gjendje të rëndë psikogjike dhe ndodhej tek banesa e xhaxhait të saj”njofton policia. Nga veprimet paraprake Specialistët për Hetimin e Krimit në Komisariatin e Policisë Dibër kanë konstatuar se kishin të bënin me një rast të kryerjes së marrëdhënieve seksuale me persona në gjini.
Përdhunimi në pyll, dëshmia e vajzës
Vajza ka treguar në polici atë që i kishte ndodhur dhe përdhunimin nga babai. Policia sqaron se vajza E.P, e shoqëruar në Komisariatin e Policisë Dibër ka rrefyer në prani të Psikologut, Prokurorit dhe të njerkës së saj. “Ajo ka treguar se më datën 18.08.2016 rreth orës 11:00, poshtë fshatit në një vend të pyllëzuar shtetasi Guri Përgjegji, i cili është edhe babai biologjik i saj ka kryer marrëdhënie seksuale me dhunë me të dhe është larguar menjëherë në drejtim të pyllit” njofton policia.
Arrestimi
Efektivat e Policisë të Komisariatit të Policisë Dibër kanë bërë krehjen e teritorit si dhe mbi bazën e informacioneve të marra në rrugë operative në orët e para të mëngjezit kanë bërë kapjen dhe arrestimin në flagrancë të shtetasit: Guri Përgjegji, 46 vjeç, banues në Njesinë Administrative Kastriot Dibër, për veprën penale ‘Kryerjes së marrëdhënie seksuale në gjini”, parashikuar nga neni 106 i Kodit Penal. Kapja e tij u bë në një banesë të pabanuar të fshatit. Ekspertiza mjeko ligjore paraprakisht ka konfirmuar kryerjen e kësaj vepre penale. Të gjitha veprimet e para hetimore janë kryer nën kryesimin e Prokurorit . Materialet do ti kalojnë Prokurorisë Rrethit Gjyqësor Dibër.
