Kur na ndajnë pesë ditë nga data e zgjedhjeve vendore në Dibër, Komisioni Qendror Zgjedhor i bën thirrje partive të njoftojnë personat që janë caktuar si komisionerë të qendrave të votimit dhe anëtarë të grupeve të numërimit të votave të marrin pjesë në trajnim.
Në një konferencë për shtyp, zëdhënësja e KQZ-së, Drilona Hoxha tha se skema e trajnimit do të bëhet publike dhe në faqen online të këtij institucioni.
Në garë për kryetar bashkie janë Sherefedin Shehu nga e djathta dhe Muharrem Rama kandidati i koalicionit të majtë.
