Policia ka gjetur sot të djegur në malet e Kurbinit, makinën e ekzekutorëve të Saimir Jakut në Rrëshen, një drejtuesi të OSHEE.
Në kuadrin e hetimit, mësohet se 20 persona janë marrë në pyetje dhe janë shoqëruar për ngjarjen.
Saimir Jaku u ekzekutua dje në mëngjes në një lokal në Rrëshen nga një person i armatosur me maskë, i cili pas vrasjes u largua menjëherë me një makinë BENZ me të cilën kishte ardhur.
Policia e kishte pikasur makinën e krimit orë më vonë dhe e ka ndjekur deri në fshatin Gallatë të Kurbinit ku ka krehur dhe zonën bashkë me FNSH-në.
