Lezhë, 11 shtator 2016, NOA.al – Tre persona kanë mbetur të plagosur këtë të dielë si pasojë e një aksidenti të rëndë që ka ndodhur në aksin rrugor Lezhë-Shkodër, pranë kryqëzimit të Blinishtit. Burimet zyrtare policore thanë se janë përplasur tre automjete, e për pasojë janë plagosur edhe 3 drejtuesit e tyre. Menjëherë të plagosurit janë dërguar me urgjencë drejt spitalit rajonal të Lezhës për të marrë ndihmën e nevojshme mjekësore, ndërsa raportohet se ndodhen në gjendje të rëndë shëndetësore. Policia e cila ka shkuar në vendin e ngjarjes ka nosur hetimet dhe po punon për të zbardhur shkaqet e plota të aksidentit .
