Një ngjarje e rëndë i ka ndodhur një familje emigrantësh shqiptarë që jetonin në Firence, Itali. Ngjarja mësohet se ka ndodhur ditën e djeshme, ndërsa fëmija 1 vjeç ndodhet në gjendje të rëndë në spitalin e Firences.
Sipas mjekëve ai ndodhet në gjendje të rëndë, por është jashtë rrezikut për jetën.
Siç ka treguar babai i fëmijës, një shqiptar 40 vjeç punëtor në bujqësi, fëmija i lindur në 23 korrik 2015, kishte hyrë në kuzhinën ku po gatuhej dreka dhe kishte rënë në një prej tenxhereve që ishin duke zier.
Pasi në vendin e ngjarjes kishte mbërritur ambulanca, për shkak të gjendjes së rëndë ata kanë kërkuar ndërhyrjen e helikopterit që e ka transportuar më pas fëmijën në spitalin pediatrik të Firences.
Policia ka nisur hetimet në lidhje me ngjarjen.
