Ka patur një lumë komentesh kundër kryeministrit në postimin që ai bëri fjalimit që mbajti në parlament dje për të mbrojtur importin e plehrave. Komentuesit i janë vërsulur kryeministrit duke i kujtuar që i ka prerë në besë, pasi shumë prej tyre e kishin votuar vetëm nga fakti se ai kishte premtuar se nuk do të lejonte që plehrat e vendeve të tjera të futeshin në Shqipëri. Shumë nga komentet që shpërthyen mbrëmë menjëherë pas postimit të Ramës në Facebook, u fshinë. Lapsi.al mundi të ruajë disa prej tyre, që sot nuk i gjen në faqen e kryeministrit. Mes atyre që kanë reaguar të irrituar me Ramën është edhe zëdhënësi i ministrisë së Shëndetësisë.
